In this page, you will find the how to make your teeth clean and beautiful in Roman Urdu.

Beautiful Teeth

Aap shayad sochain kay akhir muskurahat main kiya rakha hai? to bohot kuch,aap ki quwate takhil say bhi ziyadah, aap bi Hollywood kay filmi sitaron jaisi perfect muskurahat hasil karnay ki koshish karain.

Agar aap kay dant paidaishi tor say qudrat ka aik perfect namuna hain to dusri bat hai warna is bat ka imkan hai kay aap kay dant so fisadi pecrect nahin hosaktay.

Laikin sawal yeh hai kay kiyun nahin hosaktay? Apnay danton ko moti jaisay chamakdar banakar na sirf aap apni khubsurti mein izafa karsakti hain balkay apni sehat aur khud atemadi mein bhi.

Teeth Braces

Waqt guzarnay kay sath rairhay dant ghair hamwar tariq say ghisna shurooh hojatay hain jis say masurhay sujnay lagtay hain ya dant hi zaya hojata hai. tairhay danton kay bais ghiza bhi mukamal tor par nahin chab pati jis kay bais dusray masail bhi janam laitay hain jaisay jabron kay joron ka dard, sar dard aur nizame hazam mein kharabi.

Das baras qabal kay muqablay mein ab braces ziyadah jaded tariqay say lagai jatay hain aura ram deh bhi hain. Shafaf plastic kay bracket istemal karnay say muskurahat waqt dhat ki chamal zahir nahin hoti aur “tangol braces” jo danton ki pusht par pehnay jatay hain, baligh professionals istemal kartay hain agar aap kay danton ka masla ziyadah shaded hai to hosakta hai kay aap kay jabron ki banawat durust karnay kay liye surgery ki bhi zarurat parjai.

Braces ko fit karnay ka tariqa kar bohot tez raftar hai. doctor aap kay danton par aik kamzir tezab milta hai jis say dant khurduray hojatay hain aur woh braces ko sakhti say rok saktay hain phir hard ant par alag alag bracket ko gulu say jor diya jata hai phir mehrabi shakal kay tar ko chotay chotay elastic band ya dhati tar ki madad say danton par fit karkay mazbuti say bandh diya jata hai.

Taron ko kasnay kay liye mariz ko harm ah doctor kay pas ana parta hai ibteda mein ye braces na sirf taklif deh mehsus hotay hain balkay ajnabiyat ka ahsas hota hai aur thori bohot sujan bhi ajati hai. laikin chand hafton kay istemal kay bad in ki adapt parjati hai. harm ah doctor kay pas anay aur tar ko kasnay kay bad woh aik roz tak halka sa dard rehta hai yeh silsilah aik say do baras chalta hai laikin akhir mein is kay umdah nataij daikh par aap sari taklif faramosh kardain gi jab aap kay dant motiyon ki jhilmil karnay lagain gay.

Chini Kay Veniers
Dant Ka Dard

Vaners kay zariye na sirf danton kay dhabon aur urjanay walay rangon ka ilaj kiya jata hai balkay turay huway gutkay huway aur tairhay mairhay danton ki taklif kay baghair maramat bhi ki jati hai. Is sey dant ka dard bhi theak hojata hai aur dant ki takleef bhi.

Porsilin veners akhir kiya cheez hai? Asan alfaz mein yeh putlay nim shafaf khol hotay hain jo aap kay danton par mustaqlan chaspan kar diye jatay hain aur aap ki hasbe marzi jitna chahain inhain safaid kiya ja sakta hai is terha aap kay chahray ko thora say ubhar mil jata hai.

Is amal kay aghaz kay waqt dandan saz maqami tor par danton ko sun karkay mutaliqa dant par say panch mili meter hissa utarlay ga phir aap kay dant kay liye vener bananay mein aik haftay sirf hojata hai chunkay ibtedaee marhalay mein aap kay dant kay upper thora enamel ghis diya jata hai, is liya quadrati tor par aap ka woh dant ziyadah hassas hojata hai taham arzi tor par vennier laganay ki koee zarurat nahin hoti.

Corwning Glory

Cowning ko baz oqat keeping bhi kehtay hain yeh aik tariqa hai jis kay zariye aik dairpa aur masnuee khol tayar kiya jata hai jisay turay ya nuqsan pohonchay huway dant par is terha charha diya jata hai kay woh dant daikhnay mein bilkul asli malum hota hai dant ko crown karnay kay liye pocilin,chandi aur sona jaisi ashia istemal ki jati hain.

Dant ko crown karnay ka amali tariqa bohot tawil hai. Dandan saz kay pas pehli martaba janay par woh cap karwanay walay danon ka aik impression la laita hai. is chap ko danton ki laboratory bhaij diya jata hai jahan mutaliqa dant aura as pas kay dusray danton ka bhi durust model tayar kiya jata hai chunkay mustaqil crown karnay mein waqt sirf hota h ai. Is liye mutaliqa dant par aik arzi crown fit kardiya jata hai takay dant ko mazid nuqsan na pohonch sakay.

Amuman mustaqil crown bannay mein do say tin haftay darkar hotay hain mustaqil crown ki fittin gbhi bohot mehnat talab hai. pehlay arzi khol utar diya jata hai phir mustaqil crown fit kardiya jata hai aur is ki sakht, aram, ya khanay mein kisi qisam ki taklif kay hawalay say is mein mamuli raddo badal kiye jatay hain.

Jab dandan saz aur mariz donon hi is bat par muttafiq hojatay hain kay crown ki fittin gbilkul durust hai to phir isay gilu ki madad say mustaqlan chipka diya jata hai. Aur agar aap ka dandan saz mahir hai to aap kay asli aur naqli danton kay darmiyan koee bhi farq mehsus nahin karay ga.

Bleeching

Ghiza aur cigerate danton ko nuqsan pohonchatay rehtay hain aur safaid o chamakdar danton ki chamak ko mand kardaitay hain isi liye ab bohot say log bleeching karnay lagay hain. Aap ka dandan saz aap ko bataiga kay is maqsad kay liye jal ko danton mein ki sterha bhara jai aur kitnay arsay kay liye, sirf aik mein hi aap ko is kay nataij nazar anay lagain gay aur aglay haftay mein is kay behtarin nataij baramad hojaingay.

Umdah Brush Say Behtar Kuch Nahin

Umdah tooth brush, mayari tooth paste aur brush karnay ki sahih technique istemal karkay apnay danton aur masurhon ko sehat mand rakhsakti hain aur daikhnay walon ko woh khubsurat bhi lagain gay. Danton mein surakh aur pleak ka hojana inhain kamzor kardaiita hai aur is say masurhay bhi mutasir hotay hain is liya aisay tooth paste ka intekhab karain jo floride par mushtamil ho. Floride surakh aur pleak kay khilaf danton mein mazahimat paida karta hai baz tooth paston par khususi tor say likha hota hai kay woh surakh aur sance ki bad bu kay khilaf, difaee salahiyat paida kartay hain. Baz tooth paston mein try silin, shamil hoti hai.

More Links

Canola Oil

Mehndi

Beauty And Makeup Tips